— 759 — и т. д. „Псалтырь же сама едина вси тые речи в собѣ замыкаеть, и всѣхъ тыхъ учить и все проповѣдуеть. Суть бо в ней псалмы, яко бы сокровище всихъ драгыхъ скарбовъ, всяки и немощи духовный и тѣлесныи уздравляють, душу и смыслы освѣщають, гнѣвъ и ярость усмиряють, миръ и покой чинять, смутокъ и печаль отгоняють, чювствіе в молитвахъ дають, людей в пріязнь зводять, ласку и милость укрѣпляють, бѣсы изгоняють, ангелы на мощь призывають. Псаломъ есть щитъ противъ бѣсовскымъ нощнымъ мечтаніемъ и страхомъ, покой деннымъ суетамъ и работамъ, защититель младыхъ и радость, старымъ потѣха и пѣсни, женамъ набожьная молитва . и покраса, дѣтемъ младымъ початокъ всякое доброе наукы, дорослымъ помноженіе въ науцѣ, мужемъ мощное утверьженіе... И что есть, чего въ псалмахх не найдешь? Нѣсть ли тамъ величества Божия и хвалы его? Тамъ есть справедливость, тамъ есть чистота душевная и тѣлесная, тамъ есть наука всякое правды, тамъ мудрость и разумъ досконалный, тамъ есть милость и друголюбство безъ льсти... И видечи таковые пожиткы въ такъ малой книзѣ, я, Францишекъ Скорининъ сынъ съ Полоцька, въ лѣкарскыхъ наукахъ докторъ, повелѣлъ есми Псалтырю тиснути рускыми словами, а словенскымъ языкомъ... къ пожитку посполитого доброго, наиболѣи съ тое причины, иже мя милостивый Богъ съ того языка на свѣтъ пустилъ"... Въ концѣ предисловія Скорина указываетъ на особенности своего изданія, состоявшія въ томъ, что онъ напечаталъ параллельныя къ псалмамъ мѣста изъ другихъ книгъ св. Писанія, на поляхъ давалъ объясненія непонятныхъ церковнославянскихъ словъ, а самые псалмы раздѣлилъ на стихи. „Иоложилъ есми нѣкоторые на стороницахъ в сей Псалтыри главы 3 разныхъ книгъ, а то для того, абы знакомито было, иже вси иные светые писма (страницы священныхъ книгъ) згожаются (сходятся) съ Псалтырею, и одно на другое светчить. А то чтучи въ тыхъ книгахъ, ихже суть главы на боцѣхъ (на поляхъ) подписаны, знайдете. Также положилъ есми на боцѣхъ нѣкоторыи слова для людей простыхъ, не рушаючи самое Псалтыри ни в чем же, яко суть: онагри и геродеево жилище, и хлябіе, и иные слова, который суть въ Псалтыри неразумный простымъ людемъ, —найдуть е на боцѣхъ русскимъ языкомъ, что которое слово знаменуеть. Тоже раздѣлилъ есми вси псалмы на стихи по тому, яко ся въ иныхъ языцѣхъ дѣлить"...
RkJQdWJsaXNoZXIy NTc0NDU4