радуйся, от человек похвалы досточестно приемлющий в нижних. Радуйся, правды и кротости дивный учителю; радуйся, братским Церквам православным благий единителю Радуйся, Арсение, благочестия непоколебимый столпе. Кондак 12 Благодать, юже непорочным твоим житием и труды богоугодными у Господа стяжал еси, ведая, прослави тя в сонме святых своих Православная Церковь Элладская, воспевая Богови: Аллилуиа. Икос 12 Поюще молитвенно тя, достохвальне Арсение, с радостию великою сретоша верная чада Церкве Элладския частицу святых мощей твоих, яже от России с честию пренесена бысть в землю Греческу. Того же ради зовем ти сице: Радуйся, селению Калорианскому, идеже рожден бысть, радование; радуйся, граду Геласонску, аможе во епископа поставлен бе, благое веселие. Радуйся, святых патриархов Московских сподвижниче; радуйся, святых архипастырей Суждальских единоревнителю. Радуйся, Престолу Пренебесному днесь предстоящий. Радуйся, о нас земнородных Господа выну молящий. Радуйся, Арсение, благочестия непоколебимый столпе.
RkJQdWJsaXNoZXIy NTc0NDU4