АКАФИСТ святителю Арсению, иже от града Геласонска, архиепископу Суждальскому Кондак 1 Возбранный святыя Церкве добрый воине и верных о Христе языков единителю, восхваляем тя любовию, святителю отче Арсение, ты же, яко имеяй дерзновение ко Господу, моли Того укрепити сердца наша о вере православней, да в союзе мира Духом Истины соблюдаеми, зовем ти: радуйся, Арсение, благочестия непоколебимый столпе. Икос 1 Ангельскаго взыскуя образа, мати бо и старейша братия твоя уже в монашестем чине быша, добре потрудился еси в иноческом житии, Арсение боголюбиве, подвизался молитвою и послушанием, паче же поучался в Писании Священнем и пользу от книг собирая. Ведуще убо мы, яко богоразумия и добродетелей твоих ради поставлен был еси в архипастыря греческаго града Геласонска, глаголем ти сице: Радуйся, Апостолом во Крещении святом прозорливо нареченный; радуйся, древнею и святою землею греческою в добронравии воспитанный. Радуйся, лику инокующих тамо вчиненный; радуйся, и честнейшим епископства саном от неяже почтенный
RkJQdWJsaXNoZXIy NTc0NDU4