Володимери, и священа бысть на канунъ святое Богородицы Успенья. Въ лѣто 6745 Благовѣрный Епископъ Митрофанъ исписа притворъ святое Богородици. (Лаврент. лѣт.). Въ лѣто 6745 пріидоша отъ всточныѣ страны безбожніи та- тари и пойде противу ихъ Всеволодъ, .сынъ Юрьевъ, внукъ Все- воложь и ступившася у Коломны, и бысть сѣча велика и много убиша у Всеволода, и прибѣжа Всеволодъ въ Володимеръ въ малѣ дружинѣ, а татарове идоша къ Москвѣ и взяша ю, а князя Володимера, сына Юрьева, яша руками. И поѣха князь Юрьи изъ Володимеря въ малѣ дружинѣ, урядивъ сыны своя въ собе мѣсто Всеволода и Мстислава и ѣха на Волгу и ста на Сити станомъ, ждучи къ собѣ брата своего Ярослава съ полны и Святослава съ дружиною своею. Тое же зимы пріидоша татарове къ Володимерю, мѣсяца Февраля въ 3, на память святаго Семеона, во вторникъ, прежде мясопуста за недѣлю. Володи- мерци затворишася въ градѣ, Всеволодъ же и Мстиславъ бяста, а воевода Петръ Ослядюковичь. Володимерцемъ неотворящимся,. пріѣхаша татари къ золотымъ воротамъ, ведя съ собою Володимера Юрьевича. И начата татарове молвити: знаете-ли княжича вашего Володимера? бѣ бо унылъ лицемъ. Всеволодъ же и Мстиславъ стояста на золотыхъ воротѣхъ и познаста брата своего Володимера. А татарове отшедше отъ золотыхъ воротъ и станы своя урядивъ у города Володимеря, идоша, взяша Суждаль и идоша къ Володимерю. Въ суботу мясопустную почата наря- жати лѣсы и гюрокы ставит а до вечера, а на ночь огородиша тыномъ около всего города Володимеря; въ недѣлю мясопустную по заутрени приступиша къ городу мѣсяца Февраля въ 7. И бысть плачъ великъ въ градѣ 1). И заидоша отъ золотыхъ воротъ у святаго Спаса, и внидоша по примету въ городъ чрезъ стѣну, а сюды отъ сѣверныя стороны отъ лыбеди къ Срининымъ воротамъ и къ мѣдянымъ, а отсюду отъ Клязмы къ Воложьскимъ воротамъ, и тако взяша вскорѣ градъ до обѣда Новый и запалиша й огнемъ. Бѣжа же Всеволодъ и Мстиславъ и всѣ людіе въ Пе- черній городъ; епископъ Митрофанъ, и княгиня Юрьева съ дщерью и съ снохами и со внучаты и прочая княгини, множество бояръ и людей затворишася въ церковь святыя Богородица въ полатѣхъ. Татарове же отбивше, отвориша двери церковныя, и наволочивше лѣса около церкви и въ церковь, и зажгоша, и издхошася отъ великаго зноя вся сущая ту люди, иніи же огнемъ скончашася, а иныхъ оружіемъ до конца предаша смерти; а святую церковь разграбиша, и чудную икону самыя Богоматере одраша. И поидоша на Великаго князя Юръя, князь же, отложивъ всю печаль, иоиде къ нимъ, и ступишася обои полци, и бысть сѣча зла, и побѣгоша предъ иноплеменники, и ту убьенъ бысть Великій Князь Юрьи Всеволодовычь на рѣцѣ на Сити, и Ц Лавретн. лѣтоп. стр. 196—197.
RkJQdWJsaXNoZXIy NTc0NDU4