его же святый и блаженный Великій Князь Владиміръ во имя свое созда, ты же нынѣ изъ основанія воздвиглъ еси его велій, разшири и возвыси со множествомъ человѣкъ, въ немъ же и церьковь Пречистыя Богородицы честнаго и славнаго ея успенія создалъ еси, и многимъ имѣніемъ и стяжаніемъ изобильствова. Цѣлуетъ тя весь священный и божественный великій соборъ съ нашимъ смиреніемъ, преблагородный духовный нашъ сыне. Благодать Господа нашего Іисуса Христа и любы Бога и Отца и причастіе Святаго Духа да будетъ со благородіемъ твоимъ. Аминь. Въ лѣто 6683 убьенъ бысть Великій Князь Андрей, сынъ Великаго Князя Георгія, внукъ Мономаха Володимера Убьенъ же бысть мѣсяца Іюня въ 29 день, на память святою Апостолу Петра и Павла, въ субботу на ночь. Ѳеодулъ игуменъ святое Богородицы Володимерское съ клирошаны, съ Луциною чадыо и съ Володимерци ѣхоша по князя въ Боголюбое, и вземше тѣло его въ 5 день, въ четвертокъ, привезше его въ Володимерь съ честью, положиша и у чудное и хвалы достойное у святыя Богородици златоверхое, юже бѣ самъ создалъ. (Лавр, лѣт., стр. 156 —157). Андрею княже великій, дерзновеніе имѣя ко всемогущему и богатыхъ богатѣйшему, на высокихъ сѣдящему Богу, молися по- миловати братью свою, да подастъ имъ побѣду на противныѣ и мирную державу и царство честьно и многодѣтно во вся вѣки вѣкомъ, аминь. Сподоби мя Господи недостойнаго пріяти конецъ сей, како святіи правовѣрніи цари прольяша крови, страждуще за люди своя. Благодарю тя Господи, яко смирилъ еси душу мою, и въ царствіи твоемъ причастника мя сотвори, аще и кровь мою про- ліютъ, причти мя въ лики святыхъ мученикъ твоихъ, Господи. Въ рудѣ Твои, Господи, предаю духъ мой. Въ лѣто 6693 бысть пожаръ великъ въ Володимери градѣ, мѣсяца Агіриля въ 13 день, въ среду: погорѣ бѣ мало не весь городъ, и церквій числомъ тридцать и двѣ, и соборная церкы святая Богородица златоверхая, юже бѣ украсилъ Благовѣрный Князь Андрей. И та загорѣся сверху, и что бяше въ ней узорочій, гюникадила сребреная и ссудъ златыхъ и сребреныхъ, и портъ золотомъ шитыхъ и жемчюгомъ, и чгодныхъ иконъ золотомъ кованыхъ и каменьемъ драгымъ и жемчюгомъ великимъ, имъ же нѣсть числа; Богу попущьшю грѣхъ ради нашихъ и умъ отъ человѣкъ отъемъшю, и вымыкаша изъ церькви на дворъ до всего, а изъ терема куны и книгы и паволокы и укси церковный, иже вѣшаху на праздникъ, и до ссудъ, имъ-же нѣсть числа: все огнь взя безъ утеча. Въ лѣто 6697 священа бысть церкы сборная святая Богородица, великымъ священьемъ, блаженнымъ епископомъ Лукою, при князи Великомъ Всеволодѣ, и сынѣ его Костянтинѣ, и Ярославичи Ростиславѣ зяти его, и бысть радость велика въ градѣ"
RkJQdWJsaXNoZXIy NTc0NDU4