b000001158

— 12 — умножися бесчислено силы его. И посла окаянный Темирь безчисленое воиньство свое на Дигмана царя- они же, шедше, землю ту поплѣниша и пожгоша, а люди всеядному мечю предашя. Самого же Дигмана царя, и съ прочими отъ сигкдитъ его, приведоша къ безбожному и треклятому Те- мирю; онъ же, видѣвъ его, наипаче възгордѣвъся окаанный. И пріиде оттуду въ Охтой, хотя ити ко Ординьскымъ странамъ и на Русскую землю, и въ тѣхъ предѣлехъ озимѣ. Милосердый же Богъ оттолѣ не попусти ему не токмо озлобити Русскую землю, но самому кровоядному Темирю- Аксаку злолютною смертію животъ раздруши. Отъ непостояннаго бо мраза множество воинъства его изомроша', и възвѣстиша ему, яко 120 шатровъ осташа пусты. Безумный же Темирь- Аксакъ прехитрити хотя Божію месть и ярости мразу одолѣти умышляше всуе, не разумѣ буйны бояіе- ственаго Давида глаголюща: противу лицу мраза Его кто постоитъ? И одѣявся Темирь-Аксакъ въ многы одежа, яко до двадесяти кожюховъ, и самъ иде видѣти измерзъшее воинство свое. И не възможе видѣти ихъ нестерпимыя ради студени, възвратися въ станъ свой, и отъ таковыя зѣлныя студени вредишася внутреняя его. Онъ же собравъ врачевъ-, они же даша ему месть ва- ренъ, и, пивъ, расторже утробу его; и шесть дній лежавъ, и поиде кровь усты его и афедро- номъ, и по трехъ днехъ злѣ испроверже богомерзостную душю свою. Якоже фараонъ въ мори, тако и Темирь-Аксакъ на поли пусты нномъ исчезе, и тако дръжава его вскорѣ разорися, остав- шеежеся воинство его разыдеся кождо въ свояси. Яко при Езекіи цари Оенахиримъ царь Аси- рійскій пріиде на Іерусалимъ ратію, злѣ похваляяся, въ гордости велицей на Бога Вседръжителя хулныя глаголы въспущая, царь же Езекіа аще и боленъ бѣ тогда, но обаче Богу моляся со сле- зами, купно со пророкомъ ИсаіемТ) и со всѣми людми, и услыша Богъ молитву ихъ: абіе же въ ту нощь ангелъ Господень уби отъ полка Асирійска сто тысящь и осмьдесятъ тысящь и пять ты- сящь, наутріа же, въставше, и обрѣтоша трупіа мрътвыхъ лежаще, въ ту же нощь Сенахеримъ со остаточными своими вой скоро бѣжа въ Нішевгію и тамо отъ своихъ дѣтей убіенъ бысть; — тако и Темирь Аксакъ, иже хваляся христіанство потребити, христіаньскою же молитвою и растор- женъ бысть. Якоже и Уліанъ законопреступный хваляся на Великаго Басиліа и градъ его Ке- сарію хотя разорити, егоже и тогда христіаньская же молитва уби. И. якоже тогда, тако и ньшѣ единъ той же Богъ и едина благодать его дѣйствуется, елико хощетъ, творити, мощенъ бо есть, якоже и ньшѣ: великою своею милостію бес крови побѣду дарова намъ, врагы наша прогна и порази, а насъ отъ многыхъ бѣдъ избави и спасе, иже всегда милуя насъ и сохраняя и соблюдая мышцею своею высокою отъ всякого вреда душевнаго и тѣлеснаго. И якоже древле прославися Богъ о фараонѣ и о колесницахъ и о воехъ его, тако прославися и о Темирь- Аксакѣ. Якоже всегда въ насъ, вѣрующихъ Ему непрестанно, славимо есть трисвятое имя Его, Отца и Сына и Святаго Духа, и пречистыя владычица нашея Богородица и приснодѣвы Маріа, нашея христіанскыя за- ступницы, паче же ньшѣшнее настоящее чюдодѣйственое торжество Богоматери пришествіемъ цѣл- боноснаго Ея образа празднуемо есть въ всякомъ градѣ и мѣстѣ всея Русскыя дръжавы, сице убо празднуемъ, братіе, благодаря ще и хваляще Господа Бога и пречистую Его Богоматерь, на- дежю нашю, да молитвами Ея и всѣхъ святыхъ потщимся, поелико възмагающе, богоугодно пре- проводити настоящее ^ время живота нашего въ тихости, и въ кротости, и въ любви и милостьши, и въ мирѣ, и въ покаяніи, съ умиленіізмъ и съ чистою совѣстію, отъ грѣхъ очищающеся. И тако здѣ благодать и милость обрящемъ, и отъ врагъ видимыхъ и невидимыхъ свободимся, и въ будущій бесконечный вѣкъ неизреченныхъ благъ получити сподобимся благодатію и человѣколюбіемъ Господа Бога и Спаса нашего Іисуса Христа, Емуже слав а, честь и держава со Отцемъ и со Святымъ Духомъ нынѣ и присно и въ вѣкы вѣі^ів;і,-; :аминь.1-"!і |и6 ' п -'н». •ч 1»"-''^! І 3.5 .?1 1) вг рукописи настоящеесть. ГТб.0 А*-'