b000001158

— 10 — Богоматери; и внесше ю въ преименитый храмъ славнаго Ея Успеніа, иже есть великая соборная II апостольская церковь Русскіа митрополія, и поставиша ю въ кіотѣ на десной странѣ, идѣже й донынѣ стоитъ зрима и поклоняема всѣми, многа и неисчетна чюдеса съдѣвающи, и заступающи и съхраняющи царствующій градъ Москву и вся грады и страны Русскыя дръжавы, христоиме- нитаго достояніа, отъ всякого озлобленіа. Темирь-Аксаку же тогда стоящу въ Рязаньстей земли пятнадесять дній и ту пусто вся сотворпвшу, Богу тако попустившу, и оттуду неуклонно поощря- шеся плѣнити всю Рускую землю и все христоименитое человѣчество мучити и мечю предати, но възбрани ему десница Вышняго Промысла. Кто убо възмон^етъ изрещи неизреченныа щедроты и человѣколюбіе Божіе и пречпстыя Его Матери милость и заступленіе къ роду христіанскому? О устрашеніи бидѣніемъ Т емирь -А ксаку царю . О преславное чюдо, братіе, о преве- ликое удивленіе! въ онъже день и часъ изыде всенародное множество въ стрѣтеніе божественыя тоя иконы, и со слезами възопипіа къ Богу и къ Богородицы, молягдеся о избавленіи отъ пога- ныхъ нашествіа, и въ той день и часъ гордый онъ мучитель Темирь-Аксакъ видѣ видѣніе необычно и многа ужаса исполнено Бысть бо тогда възлежащу ему на одрѣ своемъ и спящу, и видѣ сонъ страшенъ зѣло, зря яко гору высоку велми и сверху горы идяху къ нему святителіе, имуще жезлы златы въ рукахъ своихъ, и претяху ему зѣло-, и се пакы внезапу видѣ надъ святительми на въздусѣ свѣтъ необыченъ и неизреченно сіающь, посреди же свѣта оного великаго явися жена нѣкая, въ багряны ризы одѣяна, славою неизреченною и благолѣпіемъ преукрашена, и свѣтомъ сіающи паче солнечныхъ лучь; окрестъ же ея бесчисленое множество страшныхъ и великыхъ воинъ пресвѣт- лыхъ, и служаху ей, яко царицѣ; жена же она стояше, руцѣ свои къ высотѣ простерши, и мо- ляшеся о нѣкыхъ, Темирю-Аксаку же лютѣ претяше. Онъ же отъ таковаго грознаго видѣніа вне- запу въздрогнувъ и ужасно въскочи, яко отъ грома тресновенъ бысть, велми убояся и зѣло устра- шися, смятеся душею и помрачися умомъ, и трепетъ велій обьятъ его, и недѣпо въскричя стран- нымъ гласомъ, трясыйся, и стеняше, глаголющи: «охъ, охъ мнѣ! что сіе страшное видѣніе тако показа ми ся съ прещеніемъ?» Князи же и воеводы, иже близъ его сущіи, со многою боязнію въпра- шаху его о необычномъ и трепетномъ его въскоченіи и нелѣпомъ кричаніи. Онъ же отъ страха ничтожо можаше проглаголати, точію трясашеся и стеняше, и едва въ чювство пріиде и повелѣ призвати къ себѣ князи своя и воинство ^ все- Сшедшимжеся имъ, и повѣда имъ по ряду все при- лунившееся страшное видѣніе и въпрошаше ихъ, глаголя: «что се хощетъ быти и кто есть жена та, въ таковѣй славѣ по высотѣ небеснѣй хождаше со многыми молніеобразными воины, устрашая насъ?» Они же, слышавше отъ него сія, и глаголашя ему: «та есть жена неложная мати благо- словенаго Бога Марія дѣва Богородица, христіанская помощница и промыслителница непобѣдима, и, якоже гадаемъ, хощетъ побаряти по христіанехъ». Темирь-Аксакъ же рече къ нимъ: «аще христіане такову помощницу имѣютъ, то всуе подвижемся и безъ успѣха мятемся; аще единого пуститъ отъ предстоящихъ си на ны съ яростію, всѣхъ насъ побѣдити имать, ни мѣста не възмо- жемъ обрѣсти, камо бѣжати, аще и тмочисленыя имамы вой вооружены и силны». Бысть же, внегда глаголющю ему сіа, наипаче нападе нань страхъ велій и вниде трепетъ въ кости его, и вси удове его разслабѣша, и раскаяся зѣло земля Рускіа воевати. О побѣгѣ Т емирь -А ксака ЦАРЯ. И вскорѣ повелѣ всю силу свою бесчисіеную възвратити вспять и устремися на бѣгъ со всѣми своими тмочисленьши вой, и никимъже гонимъ, а земли Рустей отніодъ не прикоснуся, ни вредися. И быстро бѣжаху ко Ордѣ. отнюдуже пріидоша, и яко предо очима зряху нѣкое многое зѣло воиньство, грядущее на нихъ съ Руси; не мы бо ихъ гонихомъ, но, по истиннѣ рещи, гонимп бяху Божіею непобѣдимоіо силою и еже по насъ предстателствомъ и заступленіемъ владычица нашея Богородица и молитвами великыхъ Божіихъ угодникъ, новыхъ чюдотворцевъ Рускыихъ и всѣхъ святыхъ. О иконѣ В ладимерской . Оицева побѣда бысть Богоматери на врагы наша, 1) въ руктиси необычно и многа уполнено. 2) въ рукописи воиство.