b000001158

подобнаго Сергіа чюдотворца, и всѣхъ святыхъ, и ііачя молитвою въоружатися, руцѣ въздѣвъ на высоту, со слезами къ Богу въпіаше, глаголя: «Създателю и заступниче нашь, Господи, Господи, призри отъ святаго жилища Твоего и отъ престола славы царствіа Твоего и виждь варвара сего и сущихъ съ нимъ, дръзнувшихъ хулпти святое и великодѣпное имя Твое и Твоея пречистыя всенепорочныя Матери и всѣхъ святыхъ, Твоихъ; виизложи врагы наша, да не рекутъ: гдѣ есть Богъ ихъ? Ты бо еси Богъ нашь, иже гордымъ противляяся. О премилостивый Господи, не по- пусти врагомъ, хотящимъ озлобити насъ! стани, Господи, въ помощь намъ, рабомъ Твоимъ, призри на ны и избави насъ и градъ нашь и всю страну нашю отъ нахоженіа Татарьска, и намъ, ра- бомъ Твоимъ, свыше подаждь крѣпость и помощь на вся супротивныя наша; Твоя бо дръжава непобѣдима и царство нерушимо, яко да и мы подъ дръжавою Твоею всегда храними и Тебе сла- вимъ со Отцемъ и со Святымъ Духомъ нынѣ и присно и въ вѣки; аминь». И тако помолився великый князь Василей Дмитреевичь, и благословися у отца своего, у пресвященнаго Кипреяна митрополита, и собравъ силу многу Русскаго воинства, и поиде съ Москвы з братіею своею и со князи Рускими ко граду Коломнѣ. И пріиде въ градъ Коломну, епископъ же града того усрѣтаетъ великаго государя со кресты въ вратѣхъ града; и молебная совръшивъ великый князь въ со- борнѣй церкви, и оттуду поиде противу безбоншаго и зловѣрнаго Темирь-Аксака, хвалящагося погубити православное христіаньство. И ста великый государь на брезѣ у Оки рѣки. О при- лЕжномъ молЕніи КипріАНА МИТРОПОЛИТА. На Москвѣ жѳ' остави князя Владимера Андрѣевича, внука Иванова Калиты Даниловича. Пресвященный же Кипріанъ митрополитъ тогда украшая престолъ Рускіа митрополіа, подвизаяся прилежно по вся дни и часы, не отступая отъ церкви, непрестанныя молитвы и жертвы бескровныя со слезами къ Богу принося за благочести- ваго великаго князя и за христіанское воиньство и за вся люди христоимеиитаго достояніа. Та- коже и всему причту церковному, вкупѣ же и княземъ, и боляромъ, и всіімъ ведможамъ, и всѣмъ чивовникомъ, и всему народу мужска полу и женьска заповѣда всѣмъ постъ, и молитву съ мило- стынею, и др}гъ къ другу незлопамятіе, но братолюбіе нелицемѣрное, и всѣмъ единомыслено со- крушеинымъ сердцемъ и смиреномудренымъ помысломъ и чпстою совѣстію отъ Бога избавленіа ііросити отъ предлежащихъ скорбей, и спасеніа надежи не отпадати, воспоминающе Ниневгитъ- ское покаяніе и Израильтьскыхъ царей Іезекіа и Манасіа. И тако вси умилно послушаху благаго ученіа и съ великымъ усердіемъ и съ теплою вѣрою и съ слезами и въздыханіемъ изъ глубины сердечный, отъ мала и до велика вси единодушьно, постомъ и колѣнопреклоненіемъ и покаяніемъ очищающеся отъ грѣхъ, прибѣгающе ко святымъ Божіимъ церквамъ, и по домомъ со въскдпца- ніемъ моляху всесилнаго Бога и пречистую Его Матерь, скорую въ бѣдахъ помощницу, и вели- кыхъ Рускыхъ чюдотворцевъ Петра и Алексіа и Сергіа, и вся святыя на помощь призывающе, еже избавити ихъ отъ предлежащихъ бѣдъ и скорбей. О посланіи по чюдотворную икону Богоматери . Преблагый же и премилостивый Христосъ Богъ нашь услыша вопль люди своихъ, близъ бо есть всѣхъ призывающихъ Его, якоа^е самъ восхотѣ и пренепорочная Его Мати вла- дычица, богопріатными молитвами угодникъ своихъ, вложи во умъ благый совѣтъ, егоже Бо- жіимъ хотѣаіемъ умыслиша. Аще и далечимъ растояніемъ великый князь Василій на брезѣ великіа рѣки Окы, митрополитъ же Кипріанъ на Москвѣ, яко отъ Бога нѣкоимъ извѣщеніемъ, едино благое дѣло яко вкупѣ помыслишя, дабы послати во градъ Владимеръ по чюдотворную икону Богоматери, яже написа богогласный етангелистъ Лука, яко да принесена будеть въ царству ющій градъ Мо- скву, уповающе, яко владычица наша и госпожа пречистая Богородица своимъ пришествіемъ, иже къ намъ смиреннымъ и скорбящимъ, можетъ времѣнити печаль нашю на радость и избавити ны отъ всякого зла нынѣ и всегда; и тако вѣрующе, надежи не погрѣшимъ. И възвѣстишя боголю- безное свое помышленіе княземъ и боляромъ и прочимъ, иже съ ними, идѣже кождо ихъ; и угодно бысть всѣмъ сіе божественое дѣло. И посла великій князь Василій ко отцу своему Кипріяну митро- 2