bp000001965

__ 817 ІV. Молитва СвятителюХриосвтуѲеодору епикспо,уСуздаль­ скомЧУуДОТВОРЦУ'). О великій архіерею Божій, Ѳеодоре треблаженне! Иже градъ Суждаль и окрестныя грады и страны святымъ крещеніемъ просвѣтивый, и отъ тьмы невѣдѣнія къ свѣту богоразумія приведый, первый во благодати православныя вѣры намъ пастырь и угодникъ Господень, ангельскаго житія ревнитель и Апостоловъ подобникъ, граду Суждалю защититель, и всѣмъ съ вѣрою къ тебѣ притекающимъ помощникъ велій, и заступникъ теплый! Услыши насъ грѣш­ ныхъ и недостойныхъ рабъ твоихъ, въ часъ сей къ тебѣ моленіе сіе приносящихъ, помяни насъ у престола Владыки Царя Вседержителя Бога, и помолися о насъ грѣшныхъ, яко да избавитъ пасъ отъ всѣхъ бѣдъ и золъ, миръ же и благоденствіе намъ даруетъ. Ей, угодниче Божій и святителю Ѳеодоре! Сохрани царствующіе грады, градъ твой Суждаль, и всякій градъ и страну отъ глада, губи- тельства, труса и потопа, огня, меча, нашествія инопле­ менныхъ, и междоусобныя брани, и отъ напрасныя смерти, и отъ нападенія вражія, и отъ тлетворныхъ вѣтровъ, и отъ смертоносныя язвы и отъ всякаго зла. Буди намъ по­ мощникъ и заступникъ во всей жизни пашей, и избави насъ отъ обидящихъ и ненавидящихъ человѣкъ, неправедно на ны востающихъ, и отъ всѣхъ видимыхъ и невидимыхъ сопротивленій вражіихъ; и спасены насъ представи въ день страшнаго и грознаго пришествія Господня, и сподоби пасъ улучити деснаго стоянія во блаженномъ царствіи Христа Бога. Яко тому подобаетъ всякая слава, честь и покло­ неніе, со безначальнымъ его Отцемъ, и пресвятымъ и благимъ и животворящимъ его Духомъ, нынѣ и присно, и во вѣки вѣковъ. Аминь. ') Изъ печатнаго молебнаго нѣнія сему святителю.