bp000001965

314 крови суща, и на послѣднемъ издыханіи отнесоша въ домъ плачуще; отецъ же его и вси ту сущій отчаявшеся живота его, (понеже ему Аврамію самое животное бысть мѣсто повреждено) пріиде въ церковь и припаде къ цѣльбонос- нымъ мощемъ великаго святителя и чудотворца Ѳеодора епископа, со многими слезами моля его помиловати сына его убіеннаго, и глаголаше: святче Божій великій чудо- творче, вѣмъ яко можеши у Господа Бога испросити здра­ віе и животъ сыну моему, да радостно твой святый празд­ никъ празднуемъ. И во время пѣнія на поліелеи святителю Христову величанія помянутый пономарь припаде паки со слезами, радуяся, къ честнѣй рацѣ святыхъ мощей вели­ каго святителя Христова и чудотворца Ѳеодора, велми благодарствуя, яко святыми его молитвами побіенный брев­ нами сынъ его Аврамій начатъ въ себе приходити, и про- сити пити. И отъ того часа бысть ему легчаѣ, и въ мало дней совершенно оздравѣвъ, пріиде съ родительми своими къ цѣльбоносной рацѣ святыхъ мощей великаго святителя и чудотворца Ѳеодора епископа Суждальскаго, благодаре­ ніе веліе воздавая, яко отъ самыхъ смертныхъ вратъ свя­ тыми его молитвами бысть избавленъ. Мы же сія видѣвше и слышавше вельми удивихомся, и прославихомъ Бога прославляющаго святыя своя угодники. Но понеже по свя­ щенному Писанію, тайпу цареву добро есть таити, дѣла же Божія проповѣдати преславно есть, сіе великое Божіе милосердіе, молитвами святителя Христова и чудотворца Ѳеодора епископа Суждальскаго содѣявшееся, помысли- хомъ писанію предати въ память будущимъ родомъ, (дабы въ забвенія глубинѣ не могло быть оставлено), еже и за­ свидѣтельствуемъ предъ всевидцемъ Богомъ но совѣсти своей приложеніемъ рукъ нашихъ, новелѣвше первѣе при­ писати своею рукою получившему милосердіе Божіе мо-