сохранишася въ древнихъ кормчихъ подъ написаніемъ правилъ Кирилла Митрополита. Въ лѣто 6807 Митрополитъ всея Россіи Максимъ грекъ, при Благовѣрномъ Великомъ Князѣ Андреѣ Александровичѣ, видя яко Кіевъ разоренъ и правленія порядочнаго въ немъ нѣтъ, переселися изъ Кіева во Володимерь, со всѣмъ своимъ клиросомъ, и сѣдѣ въ Володимірѣ на столѣ; отъ сего лѣта почитается перенесеніе Митрополіи Кіевской во Владиміръ. Въ лѣто 6916 весною мѣсяца Мая въ 25, начата бысть подпись великой соборнѣй церквѣ Пречистыя Богородици Володи- мерскія повелѣніемъ Великаго Князя Василія Дмитреевича, а мастеры быша Данило иконикъ, да Ондрей Рублевъ 1. Софійск. лѣт.) Въ лѣто 6920 Іулія 3, внезапу пріиде во градъ Владиміръ царевичъ Талычь, со многою ратію. Въ соборной же церкви Пречистыя Богородицы затворися тогда, съ нѣкими людьми, ключарь Патрикѣй священникъ, родомъ Греченинъ, иже пріиде съ Митрополитомъ Фотіемъ изъ Грекъ, и бяше мужъ нарочитъ и добродѣтеленъ. Собравъ же сосуды церковныя и златыя и сребреныя и многу драгую утварь, елико успѣ, и вознесе на церковь святыя Богородицы и сохрани, и люди нѣкія тамо посади, а самъ сниде и лѣствицы отхмета, и ста въ церкви единъ предъ образомъ Пречистыя Богородицы, моляся, слезы отъ очію изливая. Безбожніи же та- тарове у церкве, кричаще, вопіютъ русскимъ языкомъ, да отверзутъ имъ двери церковныя. Ключарь же, неподвижно стоя предъ образомъ Пречистыя Богородицы, никакоже послушая злочестивыхъ агарянъ. Безбожніи же высѣкоша двери церковныя и, вшедше во церковь, чудную икону Пречистыя Богородицы отъ всея драгія утвари обнажиша, такоже и прочія иконы и всю церковь разграбиша, пресвитера Патрикія емше мучиша о сосудѣхъ церковныхъ и о прочей кузни и о людехъ, иже съ нимъ были въ церкви. Онъ же никакоже сказа, и многи муки претерпѣ, не повѣда ничтоже. Поганіи жедобляго страдальца, на сковрадѣ разженѣ поставляху, и за ногти спицы забиваху, и кожу одирзху, и ноги прорѣзавъ, ужище вдернуша и ко хвосту коня привязавше, влечаху. И въ таковѣй велицѣй муцѣ, со многимъ терпѣніемъ скончася, мученическій вѣнецъ пріимъ отъ Христа Бога. (Степей, книга ч. 2, стр. 31—32). Лѣта 7116, егда литовстіи людіе пріидоша внезапу ко градѵ Владимірю, премилостивый Богъ восхотѣ показати людемъ своимъ цѣлебный источникъ сущаго помощника — мощи святаго Благовѣрнаго Великаго Князя Глѣба сицевымъ образомъ: въ полунощную стражу стрегущіе у соборной церкви слышаху громъ и стукъ въ церкви, и повѣдаху бывшее пономарю Герасиму. Онъ же, пришедъ и отверзши соборныя церкве двери, видѣ въ ней свѣтъ велій и въ томъ свѣтѣ, обозрѣвся на лѣвую страну, видѣ въ княжестѣмъ образѣ человѣка, сѣдяща у раки святаго князя Глѣба и глаголюща ему: не ужасайся человѣче и не бойся, не предастъ Господь Богъ градъ сей въ руки враговъ, мы бо
RkJQdWJsaXNoZXIy NTc0NDU4