111 и ты, предстоятель и служитель Бога живаго, молитвенное обращеніе изливаешь ко Господу не только за себя, но и за вся люди. Припомни молитву изъ литургіи Василія великаго, гдѣ совершитель Божественныхъ таинъ молится: „Помяни, Господи, святую Твою соборную и апостольскую Церковь, юже отъ конецъ даже до конецъ вселенныя, и умири ю, юже наздалъ еси честною кровію Христа Твоего, и святый храмъ сей утверди даже до скончанія вѣка. Помяни, Господи, иже дары сія Тебѣ принесшихъ, и о нихъ же и ими же и за нихъ же сія принесоша. Помяни, Господи, плодоносящихъ и добротворящихъ во святыхъ Твоихъ церквахъ и поминающихъ убогія. Воздаждь имъ богатыми Твоими и небесными дарованіями. Даруй имъ вмѣсто земныхъ небесная, вмѣсто временныхъ—вѣчная, вмѣсто тлѣнныхъ— нетлѣнная. Помяни, Господи, иже въ пустыняхъ, и горахъ, и вертепѣхъ, и пропастѣхъ земныхъ. Помяни, Господи, иже въ дѣвствѣ и благоговѣніи и постничествѣ и въ чистѣмъ жительствѣ пребывающихъ. Помяни, Господи, благовѣрнаго и христолюбиваго Государя нашего, его же оправдалъ еси царствовати на земли, оружіемъ истины, оружіемъ благоволенія вѣнчай его. Осѣни надъ главою его въ день брани, укрѣпи его мышцу, возвыси его десницу, удержи его царство. Покори ему вся варварскіе языки, брани хотящіе: даруй ему глубокій и неотъемлемый миръ. Возглаголи въ сердце его благая о церкви Твоей и всѣхъ людяхъ Твоихъ, да въ тишинѣ его тихое и безмолвное житіе поживемъ, во всякомъ благочестіи и чистотѣ. Помяни, Господи, всяко начало и власть, и иже въ палатѣ—братію нашу, и все воинство. Благія въ благости соблюди, лукавыя благи сотвори благос- тію Твоею. Помяни, Господи, предстоящія люди, и благословныхъ винъ оставшихся, и помилуй ихъ и насъ, по множеству милости Твоея. Сокровища ихъ исполни всякаго блага: супружества ихъ въ мирѣ и единомысліи соблюди: младенцы
RkJQdWJsaXNoZXIy NTc0NDU4