b000002394

ромскіе и ихъ тіуны у Ивашка и у его людей кормовъ не емлютъ и приставовъ своихъ на нихъ не даютъ, ни судятъ ихъ ни въ чемъ, опричь душегубьства и розбоя и татбы съ поличнымъ, и не всылаютъ къ нимъ нипочто, а праветчики и доводчики поборовъ у нихъ не емлютъ и не въѣзжаю тъ къ нимъ нипочто; а случится у Ивашка душегубство, а не будетъ душегубца въ лицахъ, и Ивашка даетъ за всю пеню намѣстникомъ моимъ Муромскимъ и ихъ тіуномъ, и праветчикомъ и доводчикомъ, за всѣ ихъ пошлины два рубля, а боли того на немъ не емлютъ ничего; а купитъ Ивашко или вымѣнитъ какову лошадь, или его люди, и пятенщики мои Муромскіе лошади у нихъ пятнятъ, а емлютъ у нихъ съ лошади по денгѣ; а вѣдаетъ и судитъ Ивашко своихъ людей самъ во всемъ, или кому прикажетъ; а случится судъ смѣсной Ивашковымъ людемъ съ городными людми, или становыми, и намѣстницы мои Муромскіи или ихъ тіуны судятъ, а Ивашко съ ними жъ судитъ, или его приказщикъ; а кто пошлетъ по Ивашка, или по его люди, моего пристава Великого Князя въ каковѣ дѣлѣ, и приставъ мой пишетъ имъ одинъ срокъ въ году, по Крещеньѣ въ той же день; а кто на нихъ накинетъ срокъ силно не по ихъ сроку , и язъ имъ къ тѣмъ срокомъ ѣзди- ти не велѣлъ, а кто на нихъ возметъ безсудную, по срочныхъ и по зазывныхъ, не по ихъ сроку , черезъ мою грамоту Великого Князя, и та безсуд- ная не въ безсудную; также князи мои, и бояря, и ратные воеводы, и дѣти боярскіе, и всякіе ѣздо- ки, у Ивашка и у его людей не ставятся, ни кор­ мовъ ни подводъ ни проводниковъ у нихъ не емлютъ; также и гонцы мои Великого Князя подводъ и проводниковъ у нихъ не емлютъ, опричь ратныхъ вѣстей; а коли Ивашко являетъ сю мою