b000002394

на списокъ да къ тому ихъ излюбленному списку руки свои приложите, а которые грамотѣ не умѣ- ютъ и въ ихъ мѣсто отцемъ ихъ духовнымъ къ тому списку руки свои приложити, да тотъ имъ списокъ прислати на Москву къ діяку нашему Угриму Лвову. А оброкъ есмя, за волостелины доходы столнича пути, и за присудъ, и за всѣхъ во- лостелиныхъ пошлинныхъ людей пошлины, опричь мыта сухого, на Переславскихъ рыболовей на чер­ ные сохи на всѣхъ людей, которые судомъ и кормомъ подданы столнича пути волостелемъ, велѣли положити на годъ денгами по двадцати по семи рублевъ и по двадцати алтынъ и по пяти денегъ , да пошлинъ съ того оброку съ ру бля по два алтына; а платить имъ тотъ оброкъ и съ пошлиною въ нашу казну, на Москвѣ, діяку на­ шему Угриму Лвову , въ году на два срока, по гюловинамъ: впервые половина того годового обро­ ку, тринадцать рублевъ и двадцать семь алтынъ съ полуденгою, съ Ильина дни лѣта Семь тысячь шестьдесятъ третьего, дата на Крещенье Христово лѣта семь тысячь шестьдесятъ четвертого; а дру­ гая половина, тринадцать ру блевъ и двадцать семь алтынъ съ полуденгою, дати имъ съ Крещенья Христова на Ильинъ день лѣта семь тысячь шесть­ десятъ четвертого; а діяки наши тотъ оброкъ емлютъ у нихъ безпосулно и съ Москвы ихъ отпущаютъ безволокитно. А сбирати имъ тотъ оброкъ, со всего своего присуда, по животомъ и по промысломъ, какъ у нихъ тяглы межъ себя розводятъ; а лишка имъ, въ розводѣ того тягла, на дворы ни на чьи оброковъ не прибавливати никоторыми дѣлы. А учнутъ тѣ выборные ста­ росты и цѣловалники судити непрямо, и другу въ судѣ учнутъ норовити, а недругу мстити, и посулы и поминки имати, и нашего Ц арьского и