b000002394

омѣны, чей кто нибуди, или будетъ кому чего на нихъ искати, и я зъ имъ далъ своего пристава даного Гридю поддіачего ѲедОрова сына, а велѣлъ есми ему отъ нихъ и по нихъ ѣздити съ моею Великого Князя приставною, да давати на поруки, да ставити передо мною передъ Великимъ Княземъ или передъ нашимъ дворетцкимъ; а опричь того моего пристава даного инымъ есми приставомъ по нихъ ѣздити не велѣлъ; а кто по нихъ пріѣ- детъ иной приставъ, опричь того моего пристава даного, и язъ имъ тѣмъ приставомъ на поруки даватися не велѣлъ; а кто на нихъ и срокъ наки- нетъ силою, и язъ имъ къ тому сроку ѣздити не велѣлъ; а кто и безсудную дастъ, и та безсуд- ная не въ безсудную. Также есми ихъ пожаловалъ: наши бояре, и князи, и воеводы, и всякіе ѣздоки, у нихъ и у ихъ христіянъ силою не ставятся, ни кормовъ ни подводъ ни проводниковъ у нихъ си­ лою не емлютъ, и ямщики у нихъ на ямъ силою подводъ и кормовъ не емлютъ; а кто у нихъ учнетъ силою ставитися, или кормы и подводы и Проводники имати, и язъ на тѣхъ далъ того жъ своего пристава даного Гридю поддіачего Ѳедо- рова сына, а велѣлъ есми ему тѣхъ давати на поруки да ставити передо мною передъ Великимъ Княземъ или передъ нашимъ дворетцкимъ; а бо- ярскіе люди и намѣстничи люди къ тѣмъ попомъ и къ ихъ христіяномъ на пиры и на братчины незваны не ѣздятъ, а кто къ нимъ придетъ нити незванъ и они того вышлютъ вонъ, а не пойдетъ вонъ, а учнетъ у нихъ нити силно, а учинится туто какова гибель, и тому та гибель платити вдвое, безъ суда и безъ исправы. А коли тѣ попы и діаконы поѣдутъ къ Москвѣ, или въ иные мои городи, о церковныхъ дѣлѣхъ и съ торгомъ, и мытчики и всѣ пошлинники мыта на иныхъ нико-