b000002192

— 35 — яко посѣти и сотвори избавленіе людемъ своимъ, яко не презрѣ твари своея до конца идольскимъ мра­ комъ одержимѣ быти и бѣсовскыимъ служеніемъ, но оправди прежде племя Авраамле скрижальми и закономъ, послѣжде сыномъ своимъ вся языки спа­ се Евангеліемъ и крещеніемъ и вводя во обновле­ ніе пакибытія въ жизнь вѣчную. Да хвалимъ Его убо и прославляемъ хвалимаго отъ ангелъ безпре- стани и поклонимся Ему, Ему же безпрестани кла­ няются херувими и серафими, яко призрѣ на люди своя, и не посолъ и не вѣстникъ, но самъ спасе ны, не привидѣніемъ пришедъ на землю, но истинно по­ страдавъ за ны плотію и до гроба и съ собою вос­ кресивъ ны, къ живущимъ бо на земли человѣкомъ въ плоть одѣявся пріиде, къ сущимъ же въ адѣ распятіемъ и въ гробѣ полежаніемъ сниде, да обои и живіи и мертвіи познаютъ посѣщеніе свое и Божіе прихожденіе и разумѣютъ, яко есть живыимъ и мертвыимъ силенъ и крѣпокъ Богъ. Кто бо велій, яко Богъ нашъ? Ты единъ, творяй чудеса, положи- вый законъ на проуготованіе истины и благодати, да въ немъ обыкнетъ человѣческое естество, отъ многобожества идольскаго уклоняяся въ единаго Бога вѣровати, да яко сосудъ совершенъ, человѣчь- ство и помовенъ водою, закономъ и обрѣзаніемъ, пріиметъ млеко благодати и крещенія. Законъ бо предтеча бѣ и слуга благодати и истинѣ, истина же и благодать слуга будущему вѣку, жизни нетлѣн­ ной".... ,,Яко законъ привождаше взаконенныя къ благодатному крещенію, крещеніе же препущаетъ сыны своя на вѣчную жизнь. Моисей бо и пророцы о Христовѣ пришествіи повѣдаху, Христосъ же и апостолы Его о воскресеніи и о будущемъ вѣцѣ“ і). ОСм. прибавленія къ Твореніямъ св. отцовъ, 1844г., т. 2, стр. 223—224-