b000002192

— 45 - ясенъ будетъ языкъ гугнивыхъ. И прежде бывшемъ намъ, акы звѣремъ и скотомъ, не разумѣющимъ десницѣ и шуйцѣ, и земленыхъ прилежащемъ, и нимала о небесныхъ попекущемся, посла и къ намъ Господь заповѣди, ведущая въ жизнь вѣчную, по пророчеству Іосіину: и будетъ въ день онъ, глаго­ летъ Господь, завѣщаю имъ завѣтъ съ птицами не­ бесными и звѣрми землеными, и реку не людемъ моимъ: людіе мои вы, и тіи Ми рекутъ: Господь Богъ нашъ Ты еси. И тако, странни суще, людіе Божіи нарекохомся, и врази бывше, сынове Его прозвахомся; а не Іюдейскы хулимъ, но христіанъ- скы благословимъ; не съвѣта творимъ, яко распяти и, но яко Распятому поклонитися. Не распинаемъ Спа­ са. но рукы къ Нему воздѣваемъ; не прободаемъ ребръ, но отъ нихъ піемъ источникъ нетлѣніа; ни тридесяти сребра взимаемъ на Немъ, но другъ дру­ га и весь животъ Тому предаемъ (б); не таимъ въскресеніа, но въ всѣхъ домохъ своихъ зовемъ: Христосъ воскресе изъ мертвыхъ! Не глаголемъ, яко украденъ бысть, но яко възнесеся, идѣже и бѣ; не невѣруемъ, но, яко Петръ, къ Нему глаго­ лемъ: Ты еси Христосъ, Сынъ Бога живаго съ Ѳо­ мою: Господь нашъ и Богъ Ты еси; съ разбойни­ комъ: помяни ны, Господи, егда пріидеши въ цар­ ствіи си. И тако вѣрующе къ Нему, и святыхъ Отецъ 3 соборъ преданіе держаще, и молимъ Бога и еще и еще поспѣшити, и направите ны на путь запо­ вѣдей Его.—И събысться о насъ языцѣхъ реченное: открыетъ Господь мышцу свою святую предъ всѣ­ ми языки, и узрятъ вси концы земли спасеніе, еже отъ Бога нашего. И другое: живу Азъ, глаголетъ Господь, яко Мнѣ поклонится всяко колѣно, и всякъ языкъ исповѣсться Богу. И Исаіно: всяка дебрь исполнит-