b000002192

— 42 — ряще и сирымъ и вдовицамъ и болящимъ и жад­ нымъ и всѣмъ, требующимъ милости. Слышалъ бо реченъ глаголъ Господень Даніиломъ къ Навуходо­ носору—царю: совѣтъ мой да будетъ годенъ, грѣхи твоя милостынями очисти и неправды твоя щедротами нищихъ. Еже слышавъ ты, Отче, дѣломъ слышаная сконча, нагія одѣвая, алчныя и жадныя насыщая, боля­ щимъ веліе утѣшеніе посылая, должная искупая, ра­ ботная испущая. Твоя бо щедроты и милостыня и нынѣ въ человѣцѣхъ поминаеми суть и предъ Бо­ гомъ и Ангелы Его. Ея же ради доброприлюбныя милостыни, много дерзновеніе имаши къ Богу, яко присный рабъ Его. Поминаетъ ми слово написано: милостыни мужу, аки печать съ нимъ, Всесильнаго и Милосердаго Господа глаголъ: блажени милостиви, яко тіи помиловани будутъ. Ино же апостольское приведемъ божественное послушество о тебѣ отъ святыхъ писаній, реченное отъ Іакова, яко обрати- вый грѣшника отъ заблужденія пути его спасетъ душу отъ смерти и покрыетъ множество грѣховъ. Да еще обратившему единаго человѣка толико воз­ мездіе отъ благого Бога, то каково убо спасеніе обрѣте, о Константине, каково бремя разсыпа грѣ­ ховъ, не единаго обративъ человѣка отъ заблужде- нія идольскія льсти, ни десяти, но всю область свою! Покажетъ намъ укрѣпивый тя Христосъ Богъ, гла­ голя: иже исповѣсть мя предъ человѣки, исповѣмъ его и азъ предъ Отцемъ моимъ, иже есть на небесѣхъ. Колико ты похваленъ нмаши быти, не токмо исповѣ­ давъ, яко Сынъ Божій есть Христосъ, но и вѣру устави по всей земли своей и церкви Христовы поставив и служителя Его введе! (л. 96—97). Подобниче ве­ ликаго царя Константина, тезоименита тебѣ, равно- умниче святому князю Владиміру, праотцу твоему