b000002192

— 41 — разгорѣся въ любовь Христову, како вниде въ тя разумъ выше разума земныхъ мудрецъ, еже воз­ любите невидимаго, о небесныхъ подвигнутися? По­ вѣждь намъ, рабомъ твоимъ, повѣждь намъ, учите- телю нашъ, откуду ти припыхну воня Святаго Духа, откуду испилъ еси памяти будущія жизни сладкую чашу? Откуду вкуси и видѣ, яко благъ Господь? Не видѣлъ еси плотію Христа, толико на иконѣ об­ разъ его, ни ходилъ еси по немъ, но духомъ имѣлъ еси всегда предъ очима его. И како ученикъ его обрѣтеся—не отъ рыбарь, не отъ усмарей, но отъ самодержавныхъ Государей россійскихъ отрасль из­ расте. Иніи, видѣвше Христа, и не вѣроваша въ него. По истинѣ сбысться на тебѣ блаженство Гос­ подне, реченное къ Ѳомѣ: блажени не видѣвши и въровавше. Тѣмъ со дерзновеніемъ и не сомнѣнно зовемъ ти: О блаженниче! самомуже Господу Спа­ су нарекшу, блаженъ еси, яко вѣрова къ нему и не соблазнися о немъ, по не ложному словеси его; блаженъ есть, иже не соблазнится о мнѣ. Вѣду- шеи бо законъ и пророки распяша и, ты же въ новѣй благодати къ распятому безчислены души приведе. Како ти сердце разверзеся и како въ тя вниде страхъ Божій и како прилѣпися любви его? Разумѣвъ бо отъ благого помысла и отъ книжнаго почитанія, яко единъ есть Богъ—Творецъ видимымъ и невидимымъ, небеснымъ и земнымъ, яко посла въ міръ спасеніе Бога нашего, возлюбленнаго своего Сына, и того помощію и благодатію приведохъ лю­ діе своя къ нему, а не своимъ помысломъ. Се же инѣмъ юродство мнится, а тебѣ, блаженне, сила не- смѣнися“ (л. 95, 96). „Къ сему же кто исповѣсть многія твоя нощ- ныя молитвы и дневныя щедроты, яже убогимъ тво-