b000002192

— 38 — бодаемъ Спасовы, но чисто піемъ нетлѣнный источ­ никъ, не 30 сребренниковъ взимаемъ на немъ, но другъ друга и весь животъ предаемъ тому, не та­ имъ воскресенія, но во всѣхъ домѣхъ велегласно вопіемъ: Христосъ воскресе изъ мертвыхъ. Не лжемъ, яко украденъ, но вознесся идеже и бѣ, не невѣ­ руемъ, но съ Петромъ ему глаголемъ:—ты еси Хрис­ тосъ, Сынъ Бога живаго и Господь нашъ и Богъ ты еси; съ разбойникомъ вопіемъ: помяни насъ,. Господи, егда пріидеши во царствіе си. И тако вѣ­ ру имуще къ Нему и святыхъ отецъ седми Собо­ ровъ преданіе держаще, молимъ Бога и еще поспѣ­ шити и направите на путь заповѣди Его. Сбысть- бо ся о насъ языцѣхъ реченное: открыетъ Господь мышцу свою святую предъ всѣми языки. И паки:— живу азъ, глаголетъ Господь, яко мнѣ поклонитеся: всяко колѣно и всякъ языкъ исповѣстся Богу. И Исаино: всяка дебрь исполнится и всяка гора и холмъ смирится и будутъ кривая въ правая и ост- ріи въ пути гладки и явится слава Господня и вся­ ка плоть узритъ спасеніе Бога нашего. И Даніилъ рече: вси языцы, и людіе и племена къ тому не ра­ ботаютъ. И Давидъ глаголетъ: да исповѣдятся Тебѣ людіе вси и возвеселятся, и вси языци восплещите руками и воскликните Богу гласомъ радости, яко Гос­ подь вышнихъ страшенъ и Царь велій по всей зем­ ли. И по малѣ; поите Богу нашему, пойте, яко Царь всей земли Богъ, пойте разумно: воцарися надъ язы­ ки Богъ. И вся земля да поклонится Тебѣ и поетъ Тебѣ, да поетъ же имени твоему Вышній. И: хва­ лите Господа вси языци и похвалите Его вси людіе. И еще: отъ востокъ и западъ хвально имя Господ­ не и высокъ надъ всѣми языки Господь, надъ не- бесами слава Его. По имени Твоему Боже тако и-