418 ЛѢТОПИСЬ по СПИСКУ ЛАВРЕНТШ [6725]. 1217 В лѣто 6725. Искони злый врагъ дьяволъ, ненавидяй всегда добра роду человѣчю, паче же хрестьяномъ не хотя, дабы не одинъ в вѣчнЬй муцѣ былъ, яже есть уготована ему и сущимъ с нимъ, СЬ оканьный дьяволъ въздвиже нѣкую котору злу межи князи, сыны Всеволожп, Костянтиномъ, и Юргемь, и Ярославомъ, и би- 5 шася у Юрьева, и одолѣ Костянтинъ; но паны Богъ и крестъ 300 честный и молитва отца ихъ и дѣдня введе я в великую ]| любовь, . и сѣде Костянтинъ в Володимери на столѣ, а Юрги Суждали; и бысть радость велика в земли Суждальстѣй, а дьяволъ единъ плакаше своея погыбели. Того же лѣта Глѣбъ князь Рязаньскый іо Володимеричь , наущенъ сотоною на братоубийство, здумавъ в своемъ оканьнѣмь помыслѣ, имѣя поспѣшника брата своего Костянтипа и с нимъ дьявола, иже ею прельсти своимъ злокозньствомь, в помыслъ има влоягь, рекшема има: «яко пзбьевѣ сихъ, а сами приимевѣ едина всю власть» ; а не вѣси ли, оканьне. Божья і5 строенья, даеть бо власть, емуже хот,еть, поставляеть цесаря и князя Вышьний? что бо прия Каинъ отъ Бога, убивъ Авеля брата . своего? не проклятье ли и осуженье и трясенье? или Ламехъ? не казнь ли злобѣ? или вашь сродникъ Святополкъ, избпвъ братью, онѣма вѣнець исходатайствова, а собѣ вѣчную муку? сь бо Глѣбъ 20 ту же мысль Святополчю приимъ , и скры ю в сердци: своемъ с братомъ своимъ. Снемшпмся имъ всѣмъ на Исадѣхъ на порядъ, Изяславъ, Кюръ Михаилъ, Ростиславъ, Святославъ, Глѣбъ, Романъ, Инъгваръ асе не успѣ приѣхати к нимъ, не бѣ бо приспѣло еще время его, Глѣбъ же Володимеричь с братомъ позва я к 25 собѣ, яко на честь пиренья, в свой шатеръ. Они же не вѣдуше злык его мысли и прелести, вен 6 князий, кождо с своими боляры и слугы, придоша в шатеръ ею. Сь же Глѣбъ преже прихода ихъ пзнаряди свои слугы и братни, и поганыхъ Половець мноасство, въ оружьи, и скры я(*) в полъстници близь шатра, в немже бѣ зо имъ нити, не вѣдущю ихъ никому же, развѣе тою зломысльною князю и ихъ проклятыхъ думець; и яко начаша пити и веселитися , и ту абье проклятый Глѣбъ с братомъ иземъша меча своя. прим-ьчАнія. (*) Въ л и стрыл.
RkJQdWJsaXNoZXIy NTc0NDU4