—693 Петръ: во всякомъ язьщѣ бояйся Бога, и дЬлаяй правду пріятъ ему есть. Тѣмже и крещеніе не нужно людемъ; глаголетъ бо апостолъ, —яко обрѣзаніе ничьто же есть, и необрѣзаніе нйчьто же есть. Тако же и къ причащенію тѣла и крови Христови не подобаетъ поститися или очищатися, или омыватися. Нѣсть бо тѣло Христово или кровь: Христосъ глаголы предаде, а не тѣло свое, ни кровь свою. И то причастіе — простой общей хлѣбъ, и ясти его, яко же и общій хлѣбъ, не приуготов,!іяяся. И вся же приносимая въ церковь, свѣщи и прочая, ненавидить Богъ, и то приношеніе на грѣхъ есть приносящимъ. Нынѣ приношеніа Богъ не взыскуетъ. Въ ветхомъ таковая быша, нынѣ жерътва Богу—духъ съкрушенъ, по писаному. Чернечество же откуду пріаша? Въ Евангеліи и въ Апостолѣ не писано; паче же пишеть апостолъ: Духъ же рѣчію глаголеть, яко въ послѣдняя времена отступять нѣціи отъ вѣры, внимающе духомъ лестчемъ (оболъщающимъ) и ученіемъ бѣсовскымъ, въ лицемѣріи лжесловесникомъ, изженыхъ своею совѣстью, возбраняющихъ женитися, удалятися брашенъ, яже Богъ сътвори въ снѣденіе съ благодареніемъ вѣрнымъ и познавпіимъ истину... Тѣмъ же вся та чеіовѣческая преданія, съпротивна Евангелію и Апостолу. Кляхся, —рете, —и поставихъ съхранити судьбы правды твоея, а не рече: человѣческая преданія. Въ церквахъ же попы учать по книгамъ и по уставамъ ихъ человѣческая преданіа и повелѣваютъ себе посзушати и земскыхъ властей боятися и дани даяти имъ. Не подобаетъ же въ христіанохъ властемъ быти и воевати. Писано: Отъ взимающаго твоя не истязуй. Велятъ же попы имѣніа приносити и нищимъ подаяти; а нищіа—псы, не подабаеть имъ подаяти. Пишеть бо: нѣсть добро отяти хлѣба чадомъ и . поврещи псомъ. И чада мы есмы, яко познахомъ истину, занеже у насъ—разумъ духовный. И аще кто нашь разумъ имѣеть, то братъ духовный и чадо есть, и къ намъ подобаетъ приносити имѣніа, якоже пишеть въ Дѣяніяхъ: Яко приношаху имѣніа и полагаху предъ ногама апостолъ. Тіи же вси, иже приходять къ церквамъ и внимають человѣческемъ преданіемъ, пси суть и внѣшніи и заблудиша отъ истины и не въсіа имъ благовѣствованіа, погибшіи суть, и елико добродѣтели сътворяють, не могутъ спастися, аще не пріимуть нашего духовнаго разума. Никому же такъ не открылася истина, яко же намъ открыся. Не подобаетъ же повиноватися вла- №1,1 >'-4»
RkJQdWJsaXNoZXIy NTc0NDU4