b000001755

86 и очамъ своимъ исцѣденія. Пречистая же Богородица, Мати Христа Вога нашего, вездѣ своимъ милосерді- емъ назирая, съ вѣрою той молящихся и просящихъ, исцѣли той Марѳѣ главу и очи въ той же часъ въ до- му ея, и бысть здрава. Егда же здравіе получи въ домѣ своемъ, тогда обѣщаніе свое совершити пріиде ко Пресвятѣй Богородицѣ съ тѣми же вышереченными людми, иже отъ ихъ веси пойдоша во градъ, и при- шедъ предъ чудотворную икону Пресвятыя Богоро- дицы въ праздникъ, молебное пѣніе соверши, и ми- лость Пресвятыя Богородицы къ себѣ священникамъ повѣдала, и исправя обѣщаніе свое, отъ иде въ домъ свой радуяся, и прославляя Пресвятую Богородицу. Чудо семнадцатое Иресвятыя Богородицы, како исцѣди жееу слѣау, невидѣвшую десять лѣтъ. Въ Шуйскомъ уѣздѣ есть весь зовома Елизарово. въ той веси бѣ нѣкто человѣкъ Михайловъ крестья- нинъ Шалимова, именемъ Терентій Ивановъ, жена же бѣ ему Марія, и Божіимъ изволеніемъ случися очамъ ея болѣти тяжко зѣло, и отъ тоя тяжкія болѣз- ни ослѣпоста ей очи, и невидѣла бяше десять лѣтъ, и на праздникъ Пресвятыя Богородицы Смоленскія, прі- иде Пресвятѣй Богородицѣ помолитися, и прозрѣнія очесемъ своимъ попросити, и молящися ей предъ образомъ Пресвятыя Богородицы у всенощнаго бдѣ- нія, и у заутрени, и егда начаша мірскій молебенъ пѣти Пресвятѣй Богородицѣ, и въ той молебенъ Пре- чистая Богородица дарова очесемъ ея прозрѣніе, И отъ иде въ домъ свой видя радуяся, прославляя Бога, й Пресвятую ВсемилостивуюВладычицу Богородицу.