b000001755

136 no исцѣленіи отъ зубаыя болѣзни та Марія пришед- ши въ церковь Воскресенія Христова, обѣщаніе свое совершити, пѣвши молебное пѣніе, Пресвятѣй Бого- родицѣ, сама же пребысть молящися предъ чудотвор- ною иконою Пресвятыя Богородицы Смоленскія, и получа себѣ исцѣленіе, отъ иде въ домъ свой радуяся, славящи и благодарящи Пресвятую Владычицу Во- городицу. Чудо семьдесятъ пятое Пресвятыя Богородицы, како отверзе дѣвицѣ очи. Суздальскаго уѣзду, дворцовой вотчины, села Ду- нидова , въ Мордаской волости, есть весь зовомая Коровино, тоя веси бяше дѣвица Варвара Кирилова, волею Божіею у сей дѣвицы начаша очи болѣти тяж- ко зѣло, и скорбяше очима своима съ полгода, и не бысть ей оздравленія, но отъ ведикія и протяжныя болѣзни ослѣпоста очи ея, и не видѣла ими лѣтъ пять надесять. И Сентября въ 16-й день, въ воскресеніе, сей дѣвицѣ Варварѣ пришедши во градъ, и вшедшей въ церковь Воскресенія Христова, и стоящи предъ чудесною иконою Пресвятыя Богородицы Смоленскія, и молящися, и просящи очесемъ своимъ прозрѣнія, и во время всенощнаго бдѣнія, и заутреннягопѣнія Пре- святая Богородица у своего чудеснаго образа у сей дѣвицы Варвары отверзе очи ея, и нача видѣти ясно и чисто, и послѣ Божественныя Литоргіи отпѣвши ей Варварѣ молебное пѣніе Пресвятѣй Богородицѣ, по- томъ реченная дѣвица отъиде въдомъсвой радующися за полученіе зрѣнія очесемъ ея, славящи и величающи Пресвятую Владычицу Вогородицу.