b000001051

— 76 — съ становыми, или съ волостными, и намѣстницы Переслав- ские, и волостели Усолские, и ихъ тиуны судятъ, а игуменъ зъ братею, или ихъ приказщикъ съ ними ж судитъ, а правъ ли будетъ, виноватъ ли городцкой человѣкъ или волостной, и онъ въ правде и въ вине намѣстникомъ и волостелемъ и ихъ тиуномъ, а монастырской человѣкъ правъ ли будетъ, виноватъ ли, ино и въ правде и въ вине мовастырю игумену зъ братею, а намѣстницы наши Переславские и волостели Усолские и ихъ тиуны в монастырского человѣка у нихъ не вступаютца ни въ правого, ни въ виноватого. А кому будетъ чево искати на самомъ игумене зъ братею и на ихъ прикащике, ино ихъ сужу язъ, князь великий или мой бо- яринъ введеной. Также есми игзшена Иякова пожаловалъ, что ихъ дворы у соли у Переславские, и они съ тѣхъ дво- ровъ даютъ волостелю соли Переславские корму въ годъ на три празники, на Рождество Христово зъ двора денгу московскую, а на Великъ день денгу жъ Московскую, а на Петровъ день зъ двора денгу ж московскую, а съ варницы имъ давати корму, коли учнутъ топится ино со всякие варницы въ десять день по две площки соли, а за плошку три денги, а съ водолива по полудензе со всякие вари, а же бз'детъ водоливъ прихожей, а будетъ водоливъ тутошней, ино съ него нѣтъ ничево, да вѣш.его даютъ съ солк по полу- дензе съ подыма. А пятна игумену з братею въ тѣхъ своихъ селехъ и въ деревняхъ не держати, а хто у нихъ въ тѣхъ селехъ и въ деревнехъ и въ дворехъ, что у соли, купить лошедь. или продастъ или менитъ, и они тѣ лошеди пят- нятъ у намѣстниковъ, а доморош.енныхъ своихъ лошедей не пятнять, а пятна имъ давати съ купца денга московская, а съ продавца денга ж московская. А хто у нихъ черезъ сю мою грамоту что возмет, или чѣмъ изобидитъ, и тому отъ меня быти в опале, а у ково будетъ у нашихъ намѣстни- ковъ, или волостелей на грамотники грамота а на сю мою грамоту, грамоты нѣтъ. Писано на Москвѣ лѣта 7026 -го декабря в — де. Подпис князь великий Василеи Ивановичъ всеа Русии по сей грамоте пожаловалъ Троетцкого Серги- ева монастыря игумена Иякова зъ братею, или хто по немъ иный игуменъ будетъ, сеѣ грамоты у нихъ рушат не ве- лѣлъ никому ничѣмъ лѣта 7042. Ѳевраля въ 9 де. Подпи- салъ дьякъ Оѳонасей Курицынъ. Лѣта 7059 Майя въ 17 день царь и великий князь Иванъ Василевичъ всеа Русии сеѣ грамоты слушалъ, а выслушавъ сю грамоту Живоначал- ные Троицы Сергиева монастыря богомолца своего игу- мена Артемья зъ братею и хто по немъ иный игуменъ бу- детъ, пожаловалъ, велѣлъ имъ сю грамоту подписать на свое царево и великого князя имя и сей у нихъ грамоты рушити не велѣлъ никому ничѣмъ, а велѣлъ у нихъ ходити потому, какъ въ сей грамоте писано. Подпись дьяка Юря