Уже бо сѣнный законъ пре'менися, Обѣтованный Мессія родися, л. 9 об. Его же вой ангелъ намъ явиша, Всѣхъ устрашиша. Слава во вышних богу вопіюще. Мир человѣком весело зовуще, Нам бѣгшим в страсѣ комуждо предсташа, Всѣх утѣшаша. Пророчествія нам откривающе, Обѣтованна агнца являюще Его же очи воистинну наша Днес соглядаша. А: от нас мнози в нощь сію видѣша, Разстворшеся небо, тако рѣша, Множество ангелъ на воздусѣ крилы Небо окрили. Вѣнцы любезно сплетшася летали, И другъ со другом радостно играли, Умиленными гдасы вси пояху,. Пѣсни плетяху. Иніи низско к земли ся спущали И веселыя вѣсти сказывали, л. 10. Вы же в пищалки с ними и в свирѣли Согласно пѣли. А они скоро посолство сказавше. Парными крылы в небо (мир вам давше). Летѣли, вы же скажѣте намъ нынѣ Своей дружинѣ: Что за посолство, что за вѣсти были, Радости многи весь свѣтъ исполнили. Чему-то с вами земля радуется Небо смеется?
RkJQdWJsaXNoZXIy NTc0NDU4